Сенатта өткен кездесуде екіжақты ынтымақтастыққа қатысты кең ауқымды мәселелер, сонымен қатар саяси, сауда-экономикалық, әлеуметтік және мәдени-гуманитарлық ынтымақтастықты одан әрі нығайту, парламентаралық байланыстарды дамытуға қатысты мәселелер талқыланды.
Германия өкілдері Өзбекстанның ішкі және сыртқы саясатында жүргізіліп жатқан реформаларды жоғары бағалады.
Диалог барысында екі ел арасындағы миграция және мобилдік үкіметаралық келісімнің маңыздылығы талқыланды. Тауарларды тұрақты жеткізудің тізбегін жолға қоюға баса назар аударылды. Еңбек және жұмыспен қамту саласындағы ынтымақтастық туралы пікір алмасылды.
Кездесу соңында Өзбекстан мен Германия арасындағы өзара тиімді ынтымақтастық байланыстарды одан әрі дамытуға келісілді, деп хабарлайды Олий Мажлис Сенатының баспасөз қызметі.
