Мемлекет басшысы Түркия көшбасшысына зор денсаулық, амандық және бауырлас түрік халқының тұрақты дамуы мен өркендеуі жолындағы жауапты қызметінде үлкен жетістіктер тіледі.
Заманауи Түркияның қалыптасуында, елдің жаһандық аренадағы беделінің артуында, сондай-ақ Өзбекстан мен Түркия арасындағы кең ауқымды стратегиялық серіктестік қарым-қатынастарын бүгінгі жоғары деңгейге жеткізуде Президент Режеп Ердоғанның орны мен жеке үлесі ерекше атап өтілді.
Екі ел арасындағы түрлі деңгейдегі белсенді әрі нәтижелі диалогтар мен ынтымақтастықтың жалғасып жатқаны, сондай-ақ сауда-экономикалық және мәдени-гуманитарлық салалардағы іскерлік байланыстардың қарқынды дамып келе жатқаны айтылды.
Кездесуде инвестиция, инновация, энергетика, инфрақұрылым, денсаулық сақтау, білім беру және өзге де салалардағы бірлескен кооперациялық жобаларды ілгерілетудің маңыздылығы атап өтілді.
Мемлекет басшылары Жоғары деңгейдегі стратегиялық ынтымақтастық кеңесінің алдағы отырысы мен Түркі мемлекеттері ұйымы аясындағы болашақ саммиттердің күн тәртібін дайындау мәселелеріне ерекше назар аударды.
Сонымен қатар, халықаралық маңызы бар өзекті мәселелер бойынша да пікір алмасылды.
Сұхбат соңында қос ел көшбасшылары күллі мұсылман үмметі үшін қасиетті Рамазан айының келуіне байланысты бір-бірін құттықтап, бауырлас Өзбекстан және Түркия халықтарына бейбітшілік, тыныштық, молшылық және өркендеу тіледі.
