Сұхбат басында Біріккен Ұлттар Ұйымының Бас хатшысы Мемлекет басшысына Өзбекстанға шақырғаны және жылы қарсы алғаны үшін шексіз алғысын білдірді.
Жоғары мәртебелі мейманды жылы лебізбен қарсы ала отырып, Мемлекет басшысы А.Гутерриштің республикамызға екінші сапары «Өзбекстан-2030» бағдарламасы аясында жүзеге асырылып жатқан артқа қайтпайтын реформалар БҰҰ тарапынан жан-жақты қолдауының дәлелі екенін атап өтті.
Келіссөздер барысында жаһандық және аймақтық бейбітшілікті, тұрақтылық пен дәйекті дамуды қамтамасыз ету, Өзбекстан мен БҰҰ арасындағы көп қырлы ынтымақтастықты одан әрі кеңейту, тұрақты даму мақсаттарына қол жеткізуге бағытталған бірлескен жобаларды жүзеге асыру мәселелері талқыланды.
Ынтымақтастықтың жоғары қарқыны мен бұрын-соңды болмаған жоғары деңгейі атап өтілді.
140 бірлескен бағдарлама мен жоба сәтті жүзеге асуда. Кейінгі жылдары Өзбекстанның бастамасымен БҰҰ Бас Ассамблеясының 10 арнайы қарары қабылданды.
Жыл басынан бері Өзбекстанға БҰҰ Бас хатшысының бес орынбасары келді. Өткен айда еліміз Халықаралық еңбек ұйымының Экономикалық және әлеуметтік кеңесіне (ECOSOC) және Әкімшілік кеңесіне сайланды. Өзбекстан өкілі алғаш рет БҰҰ-ның Адам құқықтары жөніндегі комитетіне мүше болды. Ташкентте БҰҰ-ның тағы бір арнайы мекемесі – Халықаралық ауыл шаруашылығын дамыту қорының өкілдігі жұмысын бастады.
Бірлескен жаһандық күн тәртібіндегі негізгі халықаралық шаралар, оның ішінде азық-түлік қауіпсіздігі, туризмді дамыту, кедейлік және климаттың өзгеруімен күресу, биоәртүрлілікті қорғау бойынша шаралар өтуде. Келесі жылы Самарқандта ЮНЕСКО-ның 43-ші бас конференциясы өтеді.
Сондай-ақ халықаралық және өңірлік маңызы бар мәселелер бойынша пікір алмасылды. Мемлекет басшысы Бас хатшының халықаралық қауіпсіздік пен тұрақтылықты қамтамасыз ету, БҰҰ мен оның негізгі органдарын реформалау, Болашақ саммитін биыл Нью-Йоркте өткізу жөніндегі бастамаларын табанды түрде қолдайтынын білдірді.
Аймақтық көлік саласындағы өзара тәуелділікті дамыту, азық-түлік, энергетика және ақпараттық қауіпсіздік саласындағы ынтымақтастық мәселелері қарастырылды.
Ауғанстандағы жағдай талқыланып, Ауғанстан халқына гуманитарлық көмек көрсетуді кеңейту және әлемдік қауымдастықтың осы елге қатысты жалпы стратегиясын әзірлеу қажеттігі айтылды.
Кездесу соңында Өзбекстанның 2026-2030 жылдарға арналған Тұрақты даму мақсаттары бойынша БҰҰ-мен ынтымақтастық бағдарламасын бірлесіп әзірлеу туралы келісімге қол жеткізілді.
