Мұсылман ақсақалдар кеңесімен кең ауқымды қарым-қатынасты нығайту, діни бауырмалдылық пен дәстүрлі ислам құндылықтарын нығайту барысындағы ынтымақтастықты кеңейту мәселелері талқыланды.
Сұхбат барысында елімізде ағартушылық пен діни бауырмалдылық мәселелеріне ерекше көңіл бөлініп отырғаны, соңғы жеті жылда салада 50-ден астам заң құжат қабылданғаны айтылды.
Өзбекстанның ұлтаралық және конфессияаралық татулықты орнату саясаты Адам құқықтарының дүниежүзілік декларациясы мен басқа да халықаралық құқықтық-нормативтік құжаттарға толық сәйкес келетіні атап өтілді.
Айта кетерлігі, елімізде түрлі ұлт пен дін өкілдерінің өз әлеуетін толық іске асыруға, олардың құқықтары мен мүдделерін қорғауға конституциялық кепілдіктермен қамтамасыз етілген. Өзбекстан мұсылмандары басқармасы, оның облыстардағы өкілдіктері, 3 жоғары және 10 орта арнаулы оқу орындары, 16 конфессияға тиісті 2300-ден астам діни ұйымдар жұмыс істейді.
Мұхаммад Абдусалам Өзбекстан Президентінің БҰҰ Бас Ассамблеясының «Ағартушылық және діни бауырмалдылық» арнайы резолюциясын қабылдау бастамасы халықаралық аренада мойындалғанын және бұл құжат осы бағыттағы іс-әрекеттерді бірлестіруге түрткі болғанын ерекше атап өтті, деп хабарлайды Олий Мажлис Сенатының баспасөз қызметі.
Өзбекстанның бүкіл әлем мұсылмандары үшін өте маңызы зор екені, осы елден шыққан ғалымдардың тек мұсылман әлемі үшін ғана емес, күллі әлем үшін үлкен ғылыми мұра қалдырғаны баса айтылды.
