Өзбекстан Республикасының Президенті Шавкат Мирзиёев Әл-Кувейт қаласында «Agility Logistics» компаниясының төрайымы Хенади әл-Солихпен кездесу өткізді.
1979 жылы құрылған бұл трансұлттық логистика компаниясы әлемдегі ең ірі кәсіпорындардың бірі болып табылады және 70-тен астам елде өз қызметін жүргізуде. Компания авиация қызметтері, өнеркәсіптік қоймалар, логистикалық парктер және қызметтерді цифрландыру бағыттарында жұмыс істейді.
Кездесу барысында Парсы шығанағы елдеріне ауыл шаруашылығы өнімдерін тиімді жеткізу үшін Өзбекстанда бірлескен логистикалық орталық құру жөніндегі перспективалы жобаға ерекше назар аударылды.
1 сәуір күні Өзбекстан Республикасының Президенті Шавкат Мирзиёев пен Иран Ислам Республикасының Президенті Масуд Пезешкиан телефон арқылы сөйлесіп, бір-бірін және екі елдің достас халықтарын көктемнің жаңғыру мейрамы — Наурыз және қасиетті Рамазан айтпен құттықтап, бейбіт өмір, амандық, молшылық пен өркендеу тіледі.
Худжанд қаласында өтіп жатқан жоғары деңгейдегі іс-шаралар аясында Өзбекстан Республикасының Президенті Шавкат Мирзиёев, Тәжікстан Республикасының Президенті Эмомали Рахмон және Қырғыз Республикасы Президенті Садыр Жапаров үш елдің шекара түйіскен тұсында Достық стеласын салтанатты түрде ашты.
