Өзбекстан Республикасының Президенті Шавкат Мирзиёевтің Қырғызстанға жұмыс сапары аяқталды.
Бүгін Мемлекет басшысы Түркі мемлекеттері ұйымы Мемлекет басшылары кеңесінің кезекті мәжілісіне қатысып, көпжақты ынтымақтастықты нығайтуға бағытталған бірқатар маңызды ұсыныстар мен бастамалар көтерді.
Саммит аясында Өзбекстан Президенті Венгрия Премьер-Министрі Виктор Орбанмен кездесу өткізді.
Сапар шаралары аяқталған соң, Мемлекет басшысы Ташкентке қайтып оралды. «Манас» халықаралық әуежайында мәртебелі мейманды Қырғызстан Министрлер Кабинетінің Төрағасы Ақылбек Жапаров шығарып салды.
Осы күндері елімізде маңызды саяси процестер өтіп жатыр. Жуырда өткен сайлау нәтижесінде жаңа парламент қалыптасты. Бүгін Өзбекстан Республикасы Олий Мәжілісінің Заң шығару палатасында елдің Премьер-Министрі лауазымына кандидатураны қарау және мақұлдауға арналған мәжіліс өтті.
Президент Шавкат Мирзиёев 15 қараша күні халық пен экономиканың түрлі салаларын энергиямен үздіксіз қамтамасыз ету, салалық кәсіпорындардың тиімділігін арттыру мәселелеріне арналған жиналыс өткізді.
