Кеше, 12 қарашада Мемлекет басшысы БҰҰ Климаттың өзгеруі туралы негіздемелік конвенциясына қосылушы тараптардың 29-шы конференциясы аясындағы Әлем көшбасшылары саммитінің жалпы мәжілісінде сөз сөйлеп, климат өзгерістерінің салдарын бірлесіп еңсеру жөнінде маңызды бастамаларды ұсынды.
Саммит аясында Өзбекстан көшбасшысы Еуропа кеңесінің төрағасы Шарль Мишель, Финляндия Президенті Александр Стубб, Черногория Президенті Яков Милатович, Еуропалық қайта құру және даму банкінің президенті Одиль-Рено Бассо, Ислам даму банкінің президенті Мұхаммед әл-Жассир, ICESCO бас директоры Салим әл-Малик, Жасыл климат қорының атқарушы директоры Мафальда Дуэрте және Ұлыбританияның бұрынғы премьер-министрі, Жаһандық өзгерістер институтының төрағасы Тони Блэрмен кездесу өткізді.
Сапар бағдарламасының екінші күні, 13 қарашада, Президентіміз Өзбекстан, Қазақстан және Әзербайжан арасында «жасыл» энергияны дамыту және тасымалдау саласында стратегиялық серіктестік туралы үш жақты келісімге қол қою рәсіміне қатысты.
Әзербайжан Президенті Ильхам Әлиевпен кездесу өтті, оның қорытындысында Мемлекет басшылары бірлескен фабриканы іске қосты.
БҰҰ климат саммиті аясында Чехия Премьер-Министрі Петр Фиала, Греция Премьер-Министрі Кириакос Мицотакис, Дүниежүзілік сауда ұйымының бас директоры Нгози Оконжо-Ивеала және Жаһандық экологиялық қордың бас директоры Карлос Родригеспен кездесулер өтті.
Мемлекет басшысы Өзбекстанның COP29-дағы Ұлттық павильонымен де танысты.
Сапар шаралары аяқталған соң, Мемлекет басшысы Ташкентке қайтып оралды. Гейдар Әлиев атындағы халықаралық әуежайда Президентіміз бен жұбайын Әзербайжанның Әділет министрі Фарид Ахмедов және басқа да ресми тұлғалар шығарып салды.
