Мемлекет басшысы Оманмен ынтымақтастықтың басым бағыттарына тоқталды

    Өзбекстан Республикасының Президенті Шавкат Мирзиёев 2 мамырда үшінші Ташкент халықаралық инвестициялық форумына қатысу үшін Өзбекстанға келген Оман Сұлтандығының Сауда, өнеркәсіп және инвестицияларды ілгерілету министрі Қайс бен Мухаммед әл-Юсуфты қабылдады.

    Кездесу басында Қайс әл-Юсуф Мемлекет басшысына Оман Сұлтаны Хайсам бен Тарик Әл Саидтың шынайы сәлемін жеткізді.

    Өзара тиімді ынтымақтастықты, ең алдымен, сауда-экономикалық және инвестициялық салаларда кеңейту мәселелері талқыланды.

    Энергетика, көлік, денсаулық сақтау, туризм, геология, азық-түлік, тоқыма өнеркәсібі, химия салаларында, соның ішінде «Өзбекстан-Оман» инвестициялық компаниясының қолдауымен жобаларды жүзеге асыру үшін үлкен әлеует бар екені атап өтілді.

    Жақын арада Үкіметаралық комиссияның отырысын және бірлескен бизнес-форумды өткізуге келісілді.

    Сондай-ақ Трансауған темір жолының құрылысы мен «Өзбекстан-Түркіменстан-Иран-Оман» көлік дәлізін ілгерілету жөнінде пікір алмасылды.