Жоғары деңгейдегі келіссөздердің күн тәртібінде Өзбекстан-Мысыр қарым-қатынастарын одан әрі нығайту мәселелерінің кең ауқымы қарастырылды.

Саяси, сауда-экономикалық, мәдени-гуманитарлық және білім беру салаларындағы ынтымақтастық перспективаларына ерекше назар аударылады. Халықаралық және өңірлік маңызы бар мәселелер бойынша пікір алмасылмақ.

Саммит соңында Бірлескен мәлімдеме қабылданып, бірқатар екіжақты құжаттарға қол қою жоспарланған.

Сапар аясында Өзбекстан басшысы Мысыр елінің жетекші компанияларының басшыларымен және іскер топ өкілдерімен кездесу өткізеді.