Кездесудің басында жоғары мәртебелі қонақ Мемлекет басшысына Түркия Президенті Режеп Тайып Ердоғанның сәлемі мен ізгі тілектерін жеткізді.
Көпжақты ынтымақтастықты үйлестіру және дамытуда Ақсақалдар кеңесінің рөлі мен белсенділігі артып келе жатқаны ескеріле отырып, ұйым аясындағы өзара байланысты одан әрі кеңейту мәселелері талқыланды.
Түркі мемлекеттері ұйымының саммиттері қорытындысы бойынша қабылданған бағдарламалар мен бастамаларды жүзеге асыру үшін практикалық әріптестікті дамыту және ынтымақтастықты жандандыру қажеттілігі атап өтілді.
Сондай-ақ, ТМҰ аясында өтетін алдағы іс-шараларға дайындық және оларды ұйымдастыру мәселелері қаралды.
Айта кету керек, Ақсақалдар кеңесі – Түркі мемлекеттері ұйымы жанындағы тұрақты консультативтік орган болып табылады.
Түркі әлемі қала құрылысы конгресі 2002 жылы Анкара қаласында құрылған Инженерлер мен сәулетшілер одағының бастамасымен ұйымдастырылған. Бұл одақтың жұмысына Самарқанд және Науаи қалаларының әкімдіктері де белсенді қатысуда.
