Мемлекет басшысы Гурбангулы Бердімұхамедовтің қазіргі заманғы Түркіменстанды құру және оны жүйелі түрде дамыту, елдің халықаралық беделін арттыру, сондай-ақ Өзбекстан мен Түркіменстан арасындағы достық, тату көршілік және стратегиялық әріптестікті нығайту жолындағы жеке үлесін ерекше атап өтті.
Түркімен халқының ұлттық көшбасшысы Өзбекстан Президентіне Түркіменстан Президенті Сердар Бердімұхамедовтің сәлемін жеткізді.
Әңгіме барысында кейінгі жылдары, әсіресе ел басшыларының тұрақты кездесулері нәтижесінде екіжақты ынтымақтастық бұрын-соңды болмаған жоғары деңгейге көтерілгені атап өтілді.
Ведомстволар арасында тығыз және нәтижелі байланыс орнаған, тауар айналымы мен жүк тасымалы көлемі артуда. Маңызды кооперациялық жобалар жүзеге асырылуда, соның ішінде «Шовот – Ташауыз» шекара маңы сауда аймағының құрылысы аяқталуға жақын. Мәдени-гуманитарлық алмасулар белсенді жүріп жатыр. Сондай-ақ Үкіметаралық комиссия мен Кәсіпкерлер кеңесінің кезекті отырыстарын және Өңіраралық форумды өткізу жоспарланған.
Тараптар өңірлік ынтымақтастықтың өзекті мәселелерін, соның ішінде биыл қыркүйекте Ташкент қаласында өтетін Орталық Азия мемлекеттері басшыларының жетінші Консультативтік кездесуіне дайындық барысын да талқылады.
