Әңгіме басында Беларусь басшысы Өзбекстан Президенті мен көпұлтты халықын ел тәуелсіздігінің 30 жылдығымен шын жүректен құттықтады.

Мемлекет басшысы өз кезегінде Беларусь Президентін туған күнімен құттықтап, оған зор денсаулық, бақыт және толағай табыстар тіледі.

Тараптар көп қырлы өзбек-беларусь ынтымақтастығын одан әрі дамытудың өзекті мәселелерін талқылады. Тауар айналымының қарқынды өсіп келе жатқаны, екі елдің жетекші кәсіпорындары мен компанияларының, сондай-ақ оқу орындары арасындағы табысты ынтымақтастықтың болғаны атап өтілді.

Сұхбат барысында өндіріс, инновация, ауылшаруашылық техникасы, мал шаруашылығы, фармацевтика, коммуналдық шаруашылық, ақпараттық-коммуникациялық және басқа салалардағы практикалық серіктестікті кеңейту мен бірлескен жобаларды ілгерілету маңызды екені айтылды.

Тараптар болашақта жоғары деңгейдегі іс-шаралардың жоспарын, оның ішінде Беларусь төрағалығымен өтетін ТМД саммитіне дайындықты талқылады.