Сұхбат барысында Өзбекстан мен Әзербайжан арасындағы достық, стратегиялық серіктестік және одақтастық қатынастарын одан әрі кеңейту мен нығайту мәселелері жан-жақты талқыланды.
Тараптар өткен жылдың тамыз айында Әзербайжан Президентінің Өзбекстанға мемлекеттік сапары аясында қол жеткізілген келісімдерді жүзеге асыруға ерекше назар аударды.
Екі ел арасындағы Экономикалық ынтымақтастық жылы аясында бірлескен жобалар қарқынды түрде жүзеге асырылып жатқаны атап өтілді. Өзара сауда айналымының көлемі артып, автомобиль жасау, тоқыма өнеркәсібі, электротехника, энергетика, ауыл шаруашылығы, туризм және басқа да көптеген салалардағы ынтымақтастық жаңа белеске көтерілді.
Сонымен қатар, мәдени-гуманитарлық салада тұрақты іс-шаралар ұйымдастырылып жатқаны да айтылды.
Мемлекет басшылары халықаралық маңызы бар мәселелер бойынша пікір алмасып, алдағы екіжақты кездесулер мен көпжақты саммиттер күн тәртібін қарастырды.
