Президент Шавкат Мирзияев құттықтау хатында Ресей Федерациясының Президенті және халқын Өзбекстан мен Ресей арасындағы дипломатиялық қарым-қатынастардың орнағанына 30 жыл толуымен құттықтаған.
Сізді және Ресей халқын Өзбекстан Республикасы мен Ресей Федерациясы арасында дипломатиялық қарым-қатынастардың орнатылғанына 30 жыл толуымен құттықтаймын.
Соңғы жылдары бірлескен күш-жігерімізбен Өзбекстан-Ресей ынтымақтастығын бұрын-соңды болмаған стратегиялық серіктестік пен одақтастық деңгейіне көтеріп, халықтарымыз арасындағы достық байланыстарды одан әрі нығайттық.
Бүгінгі таңда Өзбекстан-Ресей ынтымақтастығы ашықтық, өзара сенім мен қолдау, бір-бірінің мүдделерін құрметтеу қағидаттарында белсенді дамып келеді.
Практикалық ынтымақтастығымыздың барлық маңызды бағыттары бойынша тығыз және үздіксіз байланыс орнатуға мүмкіндік беретін бірегей, тиімділігі дәлелденген тетіктер құрылды.
Өзара сауда рекордтық деңгейге жетті. Өндірістік кооперация бойынша ауқымды жобалар жүзеге асырылуда. Гуманитарлық ынтымақтастық дамып, денсаулық сақтау, ғылым, мәдениет, өнер және білім салаларындағы байланыстар кеңейуде.
Біз Өзбекстан мен Ресей арасындағы достық пен көп қырлы серіктестік байланыстарын елдеріміз бен халықтарымыздың мүддесі үшін одан әрі дәйекті түрде дамытып, нығайтуға ниеттіміз.
Сізге зор денсаулық және мемлекеттік қызметіңізге жаңа табыстар, ал достас Ресей халқына амандық пен гүлдену тілеймін.
Ізгі құрметпен,
Шавкат Мирзияев,
Өзбекстан Республикасы Президенті
