Өзбекстан мен Сауд Арабиясы арасындағы қарым-қатынастың жаңа дәуірі

    Билік 18 Avgust 2022 8402

    Өзбекстан Республикасы Президенті Шавкат Мирзияев 17 тамыздың екінші жартысында Сауд Арабиясына мемлекеттік сапары аясында Жидда қаласына келді.

    Король Әбделазиз атындағы халықаралық әуежайда Мемлекет басшысын Мекке аймағының басшылары, Инвестициялар министрі Халид әл-Фалих және басқа да ресми тұлғалар қарсы алды.

    Жидда қаласындағы «Қаср ас-Салам» сарайында Өзбекстан Республикасы Президентін ресми қарсы алу рәсімі өтті.

    Мемлекет басшысын Сауд Арабиясының тақ мұрагері Мұхаммед бен Салман Әл Сауд қарсы алды.

    Жоғары мәртебелі мейманның құрметіне құрметті қарауыл сап түзеп, екі елдің әнұраны шырқалды.

    Бұдан соң Өзбекстан Республикасы Президенті Шавкат Мирзияев пен Сауд Арабиясы Корольдігінің тақ мұрагері Мұхаммед бен Салман Әл Сауд арасындағы келіссөздер өтті.

    Кездесу басында Өзбекстан басшысы Сауд Арабиясының Корольі Салман бен Әбделазиз Әл Саудқа өзінің шынайы сәлемі мен ізгі тілегін жеткізуді өтінді.

    Түрлі деңгейдегі қарым-қатынастардың жанданғаны атап өтілді. Үкіметаралық комиссия мен Іскерлер кеңесінің отырыстары тұрақты түрде өткізіліп келеді. Өзара тауар айналымының көлемі артып, бірлескен кәсіпорындар құрылуда.

    Бұл ретте екі елдің қарым-қатынастарын, ең алдымен, сауда-экономикалық саладағы ынтымақтастықты сапа жағынан жаңа деңгейге көтеруге әлеуеті зор.

    Өзбекстан Президенті Сауд Арабиясына алғашқы мемлекеттік сапары бұл үшін кең мүмкіндіктер ашатынына сенім білдірді.

    Жоғары деңгейдегі келіссөздер көзқарастар мен ұмтылыстардың ортақтығын көрсетті. Сауд Арабиясында «Нигох-2030» мемлекеттік бағдарламасының сәтті жүзеге асырылуы жоғары бағаланды. Өзбекстандағы қоғамдық өмірдің барлық салаларын өзгертуге бағытталған Жаңа Өзбекстанның даму стратегиясының мақсаты мен міндеттері осы бағдарламаға сәйкес келеді. Екі елдің цифрлық және «жасыл» экономика қағидаттарын жүзеге асыруға үлкен көңіл бөлінуде.

    Тараптар екі ел арасындағы саяси, сауда-экономикалық, инвестициялық және мәдени-гуманитарлық салалардағы өзара тиімді қарым-қатынастарды одан әрі кеңейту мәселелерін талқылады.

    Кәсіпкерлердің байланысына барынша қолайлы жағдай жасап, өзара сауда көлемін ұлғайтып, мазмұнын әртараптандыру қажет екені айтылды. Өзбекстанда Сауд Арабиясы азаматтары үшін визасыз режимді енгізу осы бағыттағы маңызды қадамдардың бірі болмақ.

    – Бүгінгі тарихи кездесу ынтымақтастығымызды практикалық нәтижелермен және іскерлік қарым-қатынастармен байытуға «мықты белгі» болатынына сенімдімін. Біздің елдеріміздің кәсіпкерлері біздің диалогтың нәтижесін тағатсыздана күтуде, – деді Шавкат Мирзияев.

    Президент Саудияның жетекші компанияларын Өзбекстандағы коммерциялық банктерді, ірі индустриялық және инфрақұрылымдық нысандарды жекешелендіру үдерісіне белсенді қатысуға шақырды.

    Энергетика және мұнай-химия салаларындағы әріптестікті кеңейтуге екі жақтың да мүдделі екені айтылды. Бүгінде «ACWA Power» компаниясымен 2 миллиард 600 миллион долларды құрайтын ірі энергетикалық жобалар басталған. Химия тармағында «SABIC» компаниясымен серіктестіктің болашағы зор.

    Сауд Арабиясының Даму Қорының қатысуымен Өзбекстан өңірлерінде көлік, сумен жабдықтау және электр желілерін дамыту бойынша инфрақұрылымдық жобаларды жүзеге асыру мәселелері қаралды.

    Өзбекстан-Саудия іскерлік кеңесінің кезекті отырысы сәтті өткені қуанышпен атап өтілді. Оның соңында энергетика, химия, электротехника, инфрақұрылымды дамыту, денсаулық сақтау, ауыл шаруашылығы, фармацевтика, ақпараттық технологиялар және көлік салаларында жалпы құны 14 миллиард доллардан асатын келісімдерге қол қойылды.

    Кездесуде мәдени-гуманитарлық байланыстарды нығайтуға ерекше назар аударылды. Атап айтқанда, Өзбекстанда он мыңнан астам студент Біріккен Ұлттар Ұйымының ресми тілі саналатын араб тілін үйренуде.

    Сондай-ақ халықаралық және өңірлік мәселелер бойынша пікір алмасылды.

    Келіссөздер барысында Өзбекстан мен Сауд Арабиясының көзқарастары мен ұмтылыстары бірқатар аспектілер бойынша ұқсас екені белгілі болды. Елі ел халықаралық деңгейде бір-бірін әрқашан қолдап келеді. Өзбекстан Сауд Арабиясының астанасы Эр-Риядтың «ЭКСПО-2030» дүниежүзілік көрмесін өткізуге кандидатурасын қолдайды.

    Қауіпсіздік саласында диалог орнату, Ауғанстанда бейбітшілікті нығайту және экономиканы қалпына келтіруге көмектесу туралы күш-жігерді біріктіру жөнінде пікір айтылды.

    Өзбекстан Президенті Сауд Арабиясының Шанхай Ынтымақтастық Ұйымындағы диалог бойынша серіктес мәртебесін алуын құптады.

    Келіссөздер қорытындысы бойынша қол қойылған құжаттар алмасылды.

    Өзбекстан Республикасы мен Сауд Арабиясы Корольдігі арасындағы жан-жақты әріптестік қарым-қатынастарды одан әрі кеңейту туралы бірлескен мәлімдеме қабылданды.

    Екі елдің үкіметтері мен министрліктері арасында энергетика, кеден, азаматтық авиация, туризм, ауыл шаруашылығы, денсаулық сақтау, еңбек қатынастары салаларындағы ынтымақтастық туралы 15 құжат қабылданды.

    Өзбекстан Республикасы Президентінің сапары құрметіне Король Салман бен Әбделазиз Әл Саудтың атынан қабылдау рәсімі өтті.

    No date selected
    March 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates