Өзбекстаннан Ұлыбританияға қауын экспорты жолға қойылды.
Атап айтқанда, биылғы июль айының алғашқы онкүндігінде Ұлыбританияға "Uzbekistan Airways" әуе компаниясының Ташкент-Лондон бағытындағы әуе қатынауы арқылы 10 тонна қауын жеткізілді. Өзбек қауындары өзінің ерекше дәмімен британдықтарда қызығушылық оятты.
Сонымен қатар, үстіміздегі жылы бұршақ дақылдары, кептірілген жемістер мен жаңғақтар, оның ішінде жүзім, шие, мейіз, бұршақ, маш және өрік дәндерінің экспорты арттырылды. Елімізде өсірілген жемістер мен көкөністер, қайта өңделген өнімдер Британның жетекші сауда желілерінде сатылуда.
Айта кетейік, 2025 жылдың алғашқы бес айында Өзбекстаннан Ұлыбританияға ауыл шаруашылығы өнімдерінің экспорты екі есеге өскен.
Бұл үрдіс Өзбекстанда агроөнеркәсіп саласына көңіл бөлініп жатқанын, өнім сапасының халықаралық талаптарға сай екендігін және логистика бағытының жақсарып келе жатқанын көрсетеді. Соның арқасында ұлттық өнімдеріміз әлемдік нарықта лайықты орнын алып келеді.
