Өзбекстандық мамандар Оңтүстік Кореяда тәжірибе арттырады

    Білім 16 Yanvar 2023 1853

    Еліміздің елшілігінің қызметкерлері Кореяның су ресурстары корпорациясының Адам ресурстарын дамыту институтының Халықаралық білім беру тобының бас менежері Джонг Ёнг Киммен кездесті.

    Онда екіжақты іс жүзіндік ынтымақтастықты одан әрі кеңейту бойынша 2023 жылға арналған жоспарлар, Оңтүстік Кореяда өзбекстандық мамандардың тағылымдамадан өтуін ұйымдастыру мәселелері жөнінде пікір алмасылды.

    Сонымен қатар, Өзбекстандағы Су академиясының концепциясын әзірлеу және осы саладағы мамандардың біліктілігін арттыру жобасы аясында «Узсувтаминот» акционерлік қоғамының бір топ қызметкерлері мен тиісті жоғары оқу орындарының оқытушылары үшін Дүниежүзілік банкпен ынтымақтастықта ағымдағы жылдың 5-18 январь күндері Оңтүстік Кореяның «K-Waтer» академиясында екі апталық оқу-семинардың өткізілгені ризашылықпен атап өтілді.

    Семинар барысында қатысушыларға Оңтүстік Кореяның сумен қамтамасыз ету жүйесінің даму басқыштары, осы елдің су саясатының басым бағыттары, тариф саясаты, сумен қамтамасыз ету нысандарындағы энергияны үнемдеу технологияларының тиімділігі, су сапасының стандарттары туралы толық ақпарат берілуде.

    Сондай-ақ, оқу-семинар бағдарламасына сәйкес, іс тәжірибелік жаттығулар өткізілуі сондай-ақ ауызсу мен сарқынды суларды тазарту кешендері мен зертханалардың қызметімен танысу жоспарланған.

    Заманалық білімі мен дағдыларға ие білікті кадрлар кез келген саланың дамуындағы басты күш болып табылады. Сол себепті де қазіргі таңда трансформациялау үдерісінен өтіп жатқан «Узсувтаъминот» АҚ тарапынан қызметкерлерді оқыту және біліктілігін арттыру, сонымен қатар дамыған елдердің озық тәжірибесімен таныстыру мәселесіне ерекше көңіл бөлінуде, деп хабарлайды «Дуне» АА.

    No date selected
    March 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates