Мысал ретінде, кейбіреулер тұрмыстық техника құралдарында 60 градус және одан жоғары мәндерді көрсетуде.
Узгидрометтің айтуынша, бұл құрылғылардың қабылдау бөлігі тікелей күн нұрларынан немесе айналадағы заттардың ысыту нұрларынан қорғалмағанын айтады. Бұл жағдайда термометр ауа температурасын емес, термометрдің қабылдайтын бөлігінің ысыту температурасын өлшейді.
Күн сәулесінің астында болған адам, ауаның температурасын емес, оның денесі тікелей күн нұры мен айналадағы заттардан шыққан ыстық нұрлардың қыздыру температурасын сезеді.
Ағаштардың көлеңкесінде және көп қабатты үйдің бетон қабырғасының көлеңкесінде тұрған адам температураны басқаша сезінеді, өйткені қабырғаның ысыту нұрлануы температураны қабылдау дәрежесін арттырады.
Көлік ішіндегі адам күн сәулесінен және қызған асфальттан ыстықты сезінеді. Сондықтан көліктегі өлшеу құрылғылар 60 градус және одан жоғары температураны көрсетуі мүмкін.
Ыстық нұрлану факторларының әсерін болдырмау және бүкіл әлемде жүргізілген метеорологиялық өлшемдерді бір-біріне салыстыру үдерісін жеңілдету мақсатында, бақылаулар Дүниежүзілік метеорологиялық ұйымның ережелеріне сәйкес, бірдей әдістеме мен бірдей стандарт жағдайларда жүзеге асырылады.
Атап айтқанда, температураны өлшеу жер деңгейінен 2 метр биіктікте орнатылған арнайы желдетілетін ауа-райы буткасында жүргізіледі. Өлшеу құралдары уақыты-уақытымен тексеріледі, олардың көрсеткіштері стандартты құралдардың көрсеткіштерімен салыстырылады.
Айтпақшы, үстіміздегі жылы Узгидромет станцияларында орнатылған автоматты станциялардың көрсеткіштері «қолда» алынған бақылаулар мәліметтерін растайды.
Жершарымыздағы ең жоғары ауа температурасы (57-58°С) АҚШ-тың Калифорния штатындағы Өлім өлкесі мен Ливия шөлінде байқалды.
Өзбекстандағы барлық жылдардағы метеорологиялық бақылаулар үшін ең жоғары температура (48-49°С) Қызылқұм шөлінде (1983 жылы июль айында) және Термез қаласы аумағында (1941 жылдың июнь-июль айларында) тіркелген.
Ташкентте абсолютті температура максимумы 44,6°С-ты құрайды. Бұл температура 1997 жылы 18 июль күні тіркелген.
