Бұл сала ауыл шаруашылығында, халықты жұмыспен қамтуда ерекше орын алатыны белгілі. Сондықтан Президент бастамасымен мақта өсіруде кластерлік жүйе енгізілді. Осы жүйенің нәтижесінде 350-ге жуық ірі зауыттар іске қосылды. Осыдан бес жыл бұрын республикада өсірілген мақта талшығының 40 пайызы ғана өңделсе, бүгінде елімізде 100 пайызы өңделуде.

Соңғы жылдардағы климаттық өзгерістер мақта шаруашылығының алдына жаңа міндеттер қоюда. Атап айтқанда, биылғы аномальдық аптап бұрын соңды болмаған. Ел аумағында күндізгі ауа температурасы он күннен бері 43 градустан жоғары болды. Кешкі уақытта да аз болмады.

Бұл мақта шаруашылығы үшін төтенше жағдай. Бірақ барлық мүмкіндікті жұмылдырып, егінді үнемдеу қажет. Ол үшін тұқым шаруашылығы, сорт таңдау, тыңайту, суару және зиянкестерге қарсы күрес ғылыми көзқарастар негізінде жүргізілуі керек.

Осы тұрғыдан алғанда, Мемлекет басшысының «Мақта өнімділігін арттыру, мақта өсіруге ғылым мен инновацияларды енгізу жөніндегі қосымша ұйымдастыру шаралары туралы» шешіміне сәйкес Мақташылық кеңесі құрылды.

Бүгінгі жиында Инновациялық даму министрі, Мақташылық кеңесінің төрағасы И.Абдурахманов кеңес атқарып жатқан жұмыстар туралы баяндады.

Онда айтылуынша, Кеңес мүшелері ғалымдар және мамандармен бірге Төменгі Шыршық, Сайхунабад, Навбахор, Нарпай, Вобкент, Қаракөл аудандарына барып, нақты жағдайды зерттеді. Атап айтқанда, тұқымдық мақта егілген алқаптарда көшет тығыздығы нормадан 35-40 пайызға жоғарылағаны анықталған. Кейбір алқаптарда мақтаның үстінде егін жоқтың қасы, ал төменде 2-3 түп қана бар. Зиянкестер мен аурулар да көбейген.

Жиында осындай жағдайда өнімділікті қамтамасыз ету және мақта күтімі бойынша ұсыныстар мен тапсырмалар айтылды. Оларды барлық өңірлерде жүзеге асыру үшін «30 күндік мерзім» жарияланды.

Кластер мен фермерлердің егін алқаптарына барып, ғылыми көзқарас пен жаңашылдықты түсіндіру қажеттігі айтылды.

– Климаттың өзгеруі болашақта кері әсерін тигізетінін ескере отырып, әрекет етуіміз керек. Бұл мәселеге ғылыми тұрғыдан қарау керек, – деді Шавкат Мирзияев.