Президент Шавкат Мирзиёев Ташкент қаласындағы Ғафур Ғұлам атындағы мәдениет және демалыс саябағына барды.
Бұл жер 2019 жылы шетелдік компанияға жалға берілген еді. Өткен уақытта 12 миллион доллардың құрылыс-жөндеу жұмыстары жүргізіліп, жағдай жақсарды. 43 жаңа аттракцион орнатылып, үш жүзден астам жұмыс орны ашылды.
Бұған дейін саябаққа күніне 30 мыңға жуық келушілер болса, қайта жөндеуден кейін орта есеппен 60 мың адам келуде.
Мемлекет басшысы саябақты аралап, адамдармен сұхбаттасты. Балаларға сүйіспеншілік танытып, ізгі тілектерін білдірді.
Өзбекстан Республикасының Президенті Шавкат Мирзиёев 17 желтоқсан күні Қатар Әмірі Шейх Тамим бин Хамад Әл Саниімен телефон арқылы сөйлесіп, жоғары деңгейдегі келісімдерді жүзеге асыру және инвестициялық жобаларды ілгерілету мәселелеріне назар аударды.
Президент Шавкат Мирзиёевтің төрағалығымен 16 желтоқсан күні банктердің қатысуымен махаллаларда халықты жұмыспен қамтамасыз ету және табысын арттыруға бағытталған басты міндеттерді талқылау жөнінде видеоселекторлық жиын өтті.
