Мемлекет басшысы кәсіпорында жүзеге асырылған ауқымды жаңғырту жұмыстарының нәтижелері, сондай-ақ жаңа жоғары технологиялық бөлімшелердің қызметімен танысты.
Зауыт базасында ТМД елдері мен аймақта баламасы жоқ «Airbus» тікұшақтарына техникалық қызмет көрсету орталығы іске қосылған.
Аталған орталық Францияның «Airbus» компаниясы тарапынан ресми түрде сертификатталған. Мұнда өндірістік үдерістердің жоғары деңгейде ұйымдастырылғаны, халықаралық стандарттар мен өндіруші белгілеген талаптарға толық сәйкес келетіні расталған. Орталықта батыстық авиациялық техниканың заманауи үлгілеріне, соның ішінде H-125, H-215 және H-130 тікұшақтарына сервистік қызмет көрсету мен жөндеудің толық циклі жолға қойылған.
Бұл орталық Өзбекстанды «Airbus» тікұшақтарына техникалық қызмет көрсету және оларды пайдалану бойынша маңызды өңірлік хабқа айналдыруға мүмкіндік береді.
Мемлекет басшысы орталықтың мүмкіндіктерімен танысып, мамандармен әңгімелесті.
Сондай-ақ Президентімізге зауытта Су-25 әскери ұшақтарын күрделі жөндеуден өткізу және терең жаңғыртуға арналған жаңартылған цехтар таныстырылды. Озық технологияларды енгізу нәтижесінде бүгінде кәсіпорында авиациялық техниканы заманауи навигациялық жүйелермен, түнгі көру құрылғыларымен және борттық өзін-өзі қорғау кешендерімен жабдықтау жұмыстары жүргізілуде.
Сапар қорытындысында Мемлекет басшысы еліміздің қорғаныс өнеркәсібінің әлеуетін одан әрі нығайтуға бағытталған бірқатар тапсырмалар берді.
