Президент науаилық жастарымен тілдесті

    Билік 25 Noyabr 2022 7386

    Мемлекет басшысы сапары аясында науаилық жастарымен тілдесті.

    – Мен қайда барсам да жастармен көбірек кездесуге тырысамын. Біз өзіміздің даму стратегиямызда, өңірлік бағдарламаларда үлкен мақсаттар қойып отырмыз. Мемлекеттік ұйымдар мен барлық деңгейдегі басшылар жастар мәселесімен толық айналыспаса, бұл мақсаттарға қол жеткізу мүмкін емес, деді Президент.

    Науаи жастары барлық салада дарынды, белсенді. Биыл олар жоғары оқу орындарына түсу бойынша республикада бірінші орынды иеленді. Халықаралық ғылыми олимпиадалар мен беделді жарыстардың жеңімпаздарының көпшілігі Науаи өңірінен.

    Биылғы жылы ұйымдаспаған жастар арасында кәсіпкерлікті дамытуға 50 миллиард сум бөлініп, 13 мың 700 қыз-жігіт өз жолын тапты. 1600 гектар егістік жер бөлініп, 6 мыңнан астам жас жұмыспен қамтылды. Қиын жағдайда қалған студенттердің 6,5 миллиард сум оқу ақысы төленді.

    – Балаларымыздың жетістіктері баршамызды мақтан тұтатыны сөзсіз. Бірақ мұнымен тоқтап қалудың қажеті жоқ. Жастарымыздың тілегін, сұранысын, болашағын қамтамасыз ету үшін тағы не істей аламыз? Олардың білім мен мамандық алуына, мүмкіндіктерін ашуға қалай көмектесуге болады? Мені қинайтын сұрақтар осы, – деді Шавкат Мирзияев.

    Сондықтан Президент жастардың пікірлері мен ұсыныстарын тыңдады. Жастардың еңбек нарығында жоғары сұранысқа ие мамандықтар бойынша білім алуына және жұмыс табуына көмектесетін жаңа платформаны іске қосу міндеті қойылды.

    Жастарды индустриалды аймақтарға тарту, жайылымдарға су шығару, Кәсіпкерлік қоры арқылы мал шаруашылығындағы бастамаларды қолдау жөнінде тапсырмалар берілді.

    Науаи ауданында мамандандырылған спорт мектебі мен спорт клубтарын ұйымдастыру арқылы жастар арасында спортты насихаттаудың маңыздылығы атап өтілді. Сондай-ақ облыстағы 325 мектепті Жастар қорынан кітап және музыкалық аспаптармен қамтамасыз ету, мәдени-көпшілік шараларды арттыру мәселесіне де мән берілді.

    Кездесу барысында алға қойылған бастамаларды жүзеге асыру бойынша Науаи облысының тәжірибесін жасау туралы шешім қабылданды. Бұл жүйенің басты мақсаты – жастардың рухани-білімдік дамуы, олардың жұмыспен қамтылуын қамтамасыз ету және бос уақытын мазмұнды ұйымдастыру.

    No date selected
    March 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates