Өзбекстан Президентінің Тәжікстанға мемлекеттік сапары аясында Душанбе қаласында Өзбекстан елшілігінің жаңа ғимаратының ашылу салтанаты өтті.
Мемлекет басшылары символикалық лентаны қиып, Өзбекстан дипломатиялық өкілдігінің ғимаратын ашты. Екі елдің мемлекеттік әнұрандары шырқалды.
Президенттер елшілік ғимаратында дипломаттар үшін жасалған жағдаймен танысты.
Елшілікте екі ел арасындағы көп қырлы стратегиялық серіктестік пен одақтастық қатынастарды одан әрі дамытуға бағытталған жұмысты тиімді ұйымдастыру үшін барлық жағдайды жасалған.
Шавкат Мирзиёев пен Эмомали Рахмон елшіліктің Құрметті қонақтар кітабына өз тілектерін жазды.
Худжанд қаласында өтіп жатқан жоғары деңгейдегі іс-шаралар аясында Өзбекстан Республикасының Президенті Шавкат Мирзиёев, Тәжікстан Республикасының Президенті Эмомали Рахмон және Қырғыз Республикасы Президенті Садыр Жапаров үш елдің шекара түйіскен тұсында Достық стеласын салтанатты түрде ашты.
Өзбекстан Республикасының Президенті Шавкат Мирзиёев 31 наурыз күні Тәжікстан Республикасының Президенті Эмомали Рахмон және Қырғыз Республикасы Президенті Садыр Жапаровпен бірге Худжанд қаласында үшжақты кездесу өткізді.
Келіссөздердің қорытындысы бойынша Өзбекстан Республикасының Президенті Шавкат Мирзиёев пен Тәжікстан Республикасының Президенті Эмомали Рахмонның қатысуында екі елдің сыртқы істер министрлері Өзбекстан мен Тәжікстан арасындағы Одақтастық қатынастар туралы шарттың күшіне енуі жөніндегі Хаттаманы ресми түрде бекітіп, ратификация грамоталарымен алмасты.
