Бұл бірегей кешеннің іргетасы біздің дәуірімізге дейінгі IV–V ғасырларға тиесілі. Археологиялық қазба жұмыстары нәтижесінде дәл осы кезеңде алғашқы қорған салынғаны анықталған.
1999 жылы қайта жөндеуден кейін қамал маңында 28 мыңнан астам жәдігерден тұратын өлкетану музейі ашылды.
Соңғы реставрация барысында қамалдың қабырғалары, аркасы мен қақпалары қайта қалпына келтіріліп, әкімшілік ғимарат, қолөнершілер дүкендері салынды, сондай-ақ Хоженттің көне аула үлгілері жасалды.
Аумағында тәжік халқының тарихы мен мәдениетіне арналған 5 көрме залы бар кешен құрылды. 8 аулада қолөнершілер көркем жазу, сурет өнері, адрас тоқу, кесте, тас шеберлігі, темір және қыш бұйымдар жасаумен айналысуда.
Мемлекет басшылары үш елдің қолөнер туындылары, ауыл шаруашылығы өнімдері мен ұлттық тағамдарының көрмесін аралап, өнерпаздардың концерттік қойылымдарын тамашалады.
