Осыған байланысты төмендегілер жоспарлануда:

- Ішкі рейстер санын аптасына 7-ден 20-ға дейін арттыру. Мұндай рейстер географиясын 4-тен 5-ке дейін кеңейту;

- халықаралық рейстер санын аптасына 25-ке дейін арттыру, бағыттарды 4-тен 8-ге дейін арттыру;

- «Ашық аспан» жобасы аясында 17 халықаралық бағытқа ұшуды жүзеге асыратын сегіз шетелдік авиакомпанияны ынтымақтастыққа тарту.

Бұдан бұрын әуе торабында ұзындығы 3 105 метр және ені 60 метрді құрайтын жаңа ұшу-қону жолағын, жаңа такси жолақтары мен 24 ұшақ тоқтайтын перронды қамтыған аэродром кешенінің құрылысы аяқталғаны жөнінде хабар берілген еді.

Сонымен қатар аэродром кешенінде заманалық энергия үнемдейтін жарықтандыру жабдықтары мен қону жүйесі бар.

Жаңа аэропорт терминалы ашық кітап түрінде салынуда. Оның бетінде, әсіресе түнде қону кезінде әуеден бірден танып алатын кейбір шоқжұлдыздармен жарқыраған жұлдыз картасы болады.