Еуропа Одағы мен Орталық Азия елдерінің сыртқы саяси кеңселерінің басшылары мен өкілдері екі аймақ арасындағы саяси-дипломатиялық, сауда-экономикалық, инвестициялық, су-энергетика, экологиялық және мәдени-гуманитарлық салалардағы өзара қарым-қатынастардың қазіргі жағдайы мен даму болашақтарын талқылады.
Шараның ашылу салтанатында сөз сөйлеген Өзбекстан Республикасының Сыртқы істер министрі Владимир Норов бұл конференцияны Самарқантта өткізу туралы шешім Орталық Азияның, атап айтқанда, Самарқант қаласының аймақаралық қатынастардағы жаңа «хаб» ретінде геосаяси маңыздылығының артып келе жатқанын көрсететінін атап өтті.
Өзбекстанның Еуропа Одағымен өзара тиімді қарым-қатынастарын кеңейтуге және тереңдетуге мүдделі екені атап өтілді. Республика Еуропа Одағының 2019 жылы қабылданған Орталық Азия бойынша стратегиясын толығымен қолдайды. Осы тұрғыда аталған стратегияны жүзеге асыруды жеделдету үшін бірлескен «Жол картасын» қабылдаудың маңыздылығы айтылды.
Министрлердің Самарқанттағы кездесуі аймақаралық диалогтың жаңа күн тәртібін әзірлеуге және ұзақ мерзімді болашақта тиімді ынтымақтастықтың нақты бағыттарын айқындауға мүмкіндік беретініне сенім білдірді, деп хабарлайды Сыртқы істер министрлігінің баспасөз қызметі.
