Атап өтілгендей, Самарқант қаласының әкімі Фазлиддин Умаровпен өткен кездесуде Хорватия парламенті өкілдері Самарқант пен Дубровник қалалары арасындағы ынтымақтастық байланыстарын жолға қою болашақтары талқылады.
– Аталған іссапар Өзбекстан мен Хорватия арасындағы ынтымақтастықты жаңа басқышқа көтеруге бағытталғанымен маңызды, – деді Хорватияның еліміздегі Төтенше және Өкілетті Елшісі Рефик Шабанович. – Өзбекстан парламенті мен үкіметі өкілдерімен кездесулерде Ташкент қаласында Хорватия елшілігін, ал Самарқант қаласында еліміздің консулдығын ашу туралы айтылды. Сондай-ақ, қарым-қатынастарымызды Самарқант пен Дубровникті бауырлас қалалар ретінде байланыстыру арқылы одан әрі нығайту көзделген. Дубровник те Самарқант сияқты туризм қаласы болып саналады. Бұл қалада 40 мыңнан астам тұрғын өмір сүрсе де, жылына шамамен төрт миллион туристі қабылдайды және туризм саласында жоғары тәжірибеге ие. Менің ойымша, осы бағыттағы ынтымақтастық екі қала үшін де пайдалы болады.
Хорватия парламенті өкілдері көлік, фармацевтика, байланыс және IT бағыттарында да ынтымақтастықты жолға қою, бірлескен жобаларды іске асыру жөнінде пікір алмасты.
– Самарқант қаласына келетін туристер санын 2030 жылға дейін 10 миллион адамға жеткізуді мақсат етіп отырмыз, осы тұрғыда Дубровникпен ынтымақтастық бізге пайдалы болуы мүмкін, – деді Самарқант қаласының әкімі Ф. Умаров. – Қаламызда инфрақұрылымды жаңғырту, қызмет көрсету сапасын халықаралық стандарттар деңгейіне жеткізу, бірегей тарихи колоритті жаһандық ауқымда насихаттауда хорват достарымыздың тәжірибесін үйреніп, бірлесе жұмыс істесек, пайдасы зор болмақ.
Сапар бағдарламасы аясында делегация мүшелері Самарқанттағы тарихи-мәдени ескерткіштер мен көрікті орындарды тамашалады.
