Сапар аясында Сенат Төрайымы Танзила Нарбаева БҰҰ Бас хатшысының орынбасары, БҰҰ-ның Женевадағы бөлімінің бас директоры Татьяна Валоваямен кездесу өткізді.
Өзбекстан мен БҰҰ арасындағы тиімді ынтымақтастықтың түрлі бағыттары, сонымен қатар Тұрақты даму мақсаттарына қол6 жеткізу және гендерлік теңдікті қамтамасыз ету үшін біріккен бағдарламалар мен жобаларды кеңейту мәселелері талқыланды.
Өзбекстан мен БҰҰ арасындағы ынтымақтастық сапа жағынан жаңа деңгейге көтеріліп, 140-қа жуық бағдарлама мен жоба жүзеге асырылып жатқаны атап өтілді.
Т. Валовая Өзбекстанның Тұрақты даму мақсаттарын енгізудегі іс-әрекеттерін жоғары бағалады. Ол Өзбекстанда өтетін Азия әйелдер форумы аясында «2030 жылдан кейінгі тұрақты даму стратегиясы» тақырыбында көмекші іс-шараны ұйымдастыру мүмкіндігі туралы өз пікірін білдірді. Оның айтуынша, Самарқант форумы әйел депутаттары үшін 2030 жылдан кейін де 17 мақсатты жүзеге асыру бойынша өзара пікір алмасу мен ұсыныстар әзірлеу үшін ерекше платформа болып қызмет етеді.
Кездесуде адам құқықтары мен еркіндіктерін, гендерлік теңдікті қамтамасыз ету, әйелдердің мүмкіндіктерін кеңейту мәселелері жөнінде де пікір алмасылды.
Соңында диалогты жүйелі түрде жалғастыру және біріккен жобаларды кеңейту арқылы ынтымақтастықты нығайтуға келісілді, деп хабарлайды Олий Мажлис Сенатының баспасөз қызметі.
