Сапар бағдарламасына сәйкес, Ташкент қаласында жоғары деңгейдегі келіссөздер өтеді. Онда Өзбекстан мен Сербия арасындағы көпқырлы ынтымақтастықты одан әрі дамыту перспективалары талқыланбақ.
Кездесулер барысында машина жасау, агроөнеркәсіп, фармацевтика, ақпараттық технологиялар, цифрландыру, туризм және басқа да маңызды бағыттардағы әріптестікті нығайту мәселелері басты назарда болады.
Сонымен қатар, тараптар тәртіпті еңбек миграциясы, мәдени-гуманитарлық және білім беру салаларындағы ынтымақтастықты дамыту жайын қарастырады. Халықаралық маңызы бар өзекті мәселелер бойынша да пікір алмасу жоспарланған.
Келіссөздер қорытындысы бойынша бірқатар екіжақты құжаттарға қол қою көзделіп отыр.
Александр Вучич, сондай-ақ, құрметті қонақ ретінде осы аптада Самарқанд қаласында басталатын ЮНЕСКО Бас конференциясының 43-сессиясына қатысады.
