Шараға Өзбекстанның Туризм комитетінің төрағасы Умид Шадиев, Экономикалық ынтымақтастық ұйымының Бас хатшысы Хусрав Нозири, Қашқадария облысының әкімі Муротжон Азимов, Шахрисабз қаласының әкімі Шерзод Буриев, сондай-ақ ЭЫҰ-ға мүше мемлекеттер делегацияларының басшылары мен жоғары мәртебелі қонақтар қатысты.
ЭЫҰ Бас хатшысы Хусрав Нозири Шахрисабз қаласының әкімі Шерзод Буриевке 2024 жылы «Шахрисабз – Экономикалық ынтымақтастық ұйымының туризм астанасы» мәртебесін растайтын арнайы сертификатты тапсырды.
Салтанатты шара концерттік бағдарламаға жалғасты. Кеш қонақтары опера әншілерінің әндерін, жалынды халық билері, сондай-ақ оркестрдің ерекше өнерлерін тамашалауға мүмкіндік алды.
Шараға қатысушылар назарына ЭЫҰ-ға мүше елдердің білікті дизайнерлерінің қатысуымен «Modest fashion show» сән көрмесі ұсынылды. Оған Иран, Қазақстан, Қырғызстан және Тәжікстанның танымал дизайнерлерімен бірге 5 жергілікті дизайнер қатысты. Дизайнерлер 160-тан астам көйлекті қамтыған тарихи, ұлттық және заманалық бағыттағы коллекциялар топтамын қонақтардың назарына ұсынды, деп хабарлайды, Туризм комитетінің баспасөз қызметі.
