Бұл емхана 1994 жылы салынып, 2017 жылы күрделі жөндеуден өткен. Мұнда терапия, неврология, кардиология, ревматология, аллергология, педиатрия, хирургия сынды бөлімдер мен диагностикалық қондырғылар бар.
Орталық емхана мен оның құрамындағы 9 отбасылық емхана аудандағы 51 елді мекенде тұратын 346 мың адамға қызмет көрсетеді.
Мемлекет басшысы осы емханалар базасында медициналық кластер құруды тапсырды.
– Уақыт талабы осы: жекеменшік медицина дами бермек. Халықтың бір бөлігі жекеменшік емханаларға барады. Бірақ мемлекет бүкіл халықты сапалы дәрі-дәрмекпен қамтуы керек. Сондықтан бұл жерді кластерлік және мақсатты өңдеуге айналдырып, тиімділік пен қамтуды арттыру қажет. Адамдар медицинада әділетті сезінуі керек, - деді Президент.