Бұл нысан осы жылдың қыркүйек айында ашылды. Оның құрамында Ұлттық талдау орталығы, Цифрлық трансформация орталығы және Ұлттық жобалық кеңсе бар.
Мемлекет басшысы ахуалдық орталықтың мүмкіндіктерімен танысты. Атаулы орталық барлық дерекқорларға қосылып, өңірлермен тығыз байланыста жұмыс істейді, бұл онлайн режимінде нақты жағдайды көруге, мысалы, елдегі вакцинация көрсеткіштері туралы деректерді қадағалауға мүмкіндік береді.
Ішкі және сыртқы сауда бойынша талдамалық платформаның мүмкіндіктері көрсетілді. Оны азық-түлік бағасын онлайн бақылау және баға көрсеткіштерін тұжырымдау үшін пайдалануға болады. Сонымен қатар, кеңселік негізде инновациялық және аэроғарыш өнеркәсібі саласындағы жобалар іске қосылады.
Кеңсе менеджері Өзбекстанда адами капиталды дамыту, ІТ-парктер құру, бағдарламашыларды оқыту, мемлекеттік қызметтерді онлайн режимде көрсету бағытында атқарылып жатқан жұмыстарды айта тұрып, Қазақстан да дәл осындай жолмен келе жатқанын айтты.
Мемлекет басшысы бұл салада тәжірибе алмасудың, мемлекеттік қызмет көрсету саласына жасанды интеллект технологияларын кеңінен енгізудің, әрбір өмірлік жағдайды сараптап, адамдарға қолайлылық жасаудың маңыздылығына тоқталды.
Осымен Президент Шавкат Мирзияевтің Қазақстанға жасаған мемлекеттік сапары аяқталды.