«Қытай Халық Республикасы Сіздің басшылығыңызбен бұрын-соңды болмаған жетістіктерге жетуде. Сіздің көреген де дана саясатыңыз, жүргізіп жатқан ауқымды реформаларыңыз, ең алдымен, Қытай халқының өмір салтын түбегейлі жақсартуға және елдің тұрақты дамуын нығайтуға қызмет етуде», - делінген хатта.
Мемлекет басшысы Си Цзиньпин жариялаған жаңа жоспарлар мен барлық бастамалар Қытай мемлекетінің өркендеуіне, халықаралық беделін одан әрі арттыруға зор үлес қосатынына сенім білдірген.
Бүгінгі таңда Қытай Өзбекстанның жетекші сауда серіктесіне айналғаны, елдеріміз арасындағы көп қырлы ынтымақтастық барлық салаларда қарқынды дамып келе жатқаны ерекше атап өтілген.
"Сізбен достық және ашық диалогтарды жалғастыруға дайын екенімді білдіремін. Біз алдағы уақытта Өзбекстан мен Қытай арасындағы өзара тиімді бірлескен күш-жігерімізбен қарым-қатынастарды бұдан да биік белестерге шығаратынымызға сенімдімін", - делінген хатта.
Мемлекет басшысы Си Цзиньпинге зор денсаулық, отбасылық бақыт және жауапты мемлекеттік қызметте жаңа жеңістер, ал достас Қытай халқына бейбітшілік пен гүлдену тіледі.
