Өзбекстанда жүзеге асырылып жатқан әкімшілік реформаларға сәйкес Табиғи ресурстар министрлігі құрылды. Қазіргі таңда бұл салада кезек күттірмейтін міндеттер көп.
Табиғи ортаны сақтай отырып, қорықтар мен питомниктерде экотуризмді, аңшылық шаруашылықтарда аңшылық туризмді дамытуға болады. Сондықтан туристерді табиғи мекендеу орындарына тарту және жабайы жануарларды өсіретін питомниктер құру міндеті қойылды.
Президент су, ауа, жер, пайдалы қазбаларды қорғауға ерекше көңіл бөлді.
Атап айтқанда, 500-ден астам кәсіпорында су тазарту қондырғысы стандартқа сай емес, кейбірінде мүлде жоқ. Өтемақы мөлшері аз болғандықтан, мұндай технологияны орнатқаннан гөрі өтемақы төлеу тиімдірек. Сондықтан мөлшерден артық ағынды сулар үшін өтемақы төлемін көтеру туралы ұсыныс жасалды. Мемлекет басшысы экологиялық бақылау инспекциясының қызметін құру туралы тапсырма берді.
Атап айтқанда, Өзбекстанда жылына 7 миллион тонна тұрмыстық қалдықтар жиналады. Оның 2 миллион тоннадан астамы ғана өңделеді. Қалған қалдықтардан шығатын парниктік газдар мен сарқынды сулар табиғатқа зиянын тигізуде.
Ахангарандағы ескі полигонда қалдықтардан 15 мегаватт электр қуатын алу жобасы қолға алынды. Мемлекет басшысы бұл тәжірибені кеңейтіп, басқа полигондарда қалдықтарды қайта өңдеу мен баламалы энергия өндірісін жолға қою қажеттігін атап өтті.
Орман шаруашылығында ағаштармен көмкерілген аумақ 8 пайызды ғана құрайды, бұл әрине жеткіліксіз. Көшет отырғызуды дамыту арқылы шөлейт аймақтарда 221 мың гектар, таулы аймақтарда 15 мың гектар орманды алқап жасауға мүмкіндік бар екені айтылды.
Орман шаруашылығы саласын дамытуда және «Жасыл кеңістік» ұлттық жобасын жүзеге асыруда принципті жаңа жүйені енгізу тапсырылды. Атап айтқанда, саябақтар мен ормандарды орталықтан қаржыландырылатын мақсатты бағдарлама негізінде жүзеге асырылатыны белгіленді.
Гидрометеорология бағытында автоматтандырылған метеорологиялық станциялардың санын көбейту, гидрологиялық өлшеу құралдарын автоматтандыру, агрометеорологиялық қызметке арналған мобильді қосымшаны іске қосу шаралары белгіленді.
Сондай-ақ, әрбір аудан мен қалада атмосфералық ауаның ластануын бақылайтын шағын автоматтандырылған станциялар орнатылады. Соның негізінде өңірлердің ауа тазалығының рейтингі қалыптасып, шенеуніктердің жұмысы бағаланады.
