Сапар Самарқантта өтіп жатқан CMS COP14 халықаралық конференциясы аясында өтті.
Жоғары мәртебелі қонақты министрлік қасындағы Мемлекеттік экологиялық экспертизасы орталығының бас директоры Ғайрат Мухамедов алып жүрді.
Сапар барысында Бахадур Шерализода министрліктің инспекциялық, сараптамалық қызметі, «Жасыл кеңістік» жобасы, табиғи ресурстардың жай-күйімен және санитарлық қызметтегі биллингтің цифрландырылған жүйелері және тағы басқа да үдерістермен жақынырақ танысты.
Жоғары мәртебелі қонақ министрліктің Диспетчерлік және онлайн мониторинг орталық басқармасында да болды. Экологиялық жағдайды жақсарту бойынша тәжірибе алмасу және біріккен жобаларды жүзеге асыру мүмкіндіктері талқыланды.
Қоршаған орта технологиялары мен инновациялар саласындағы тәжірибе алмасу кездесудің негізі болды. Қонақтар баламалы энергия көздерін пайдалану, қалдықтарды басқару және биологиялық әртүрлілікті қорғау бойынша еліміздің озық тәжірибесін зерделеп, өз елдерінде міне осындай тәжірибені қолдану мүмкіндігіне қызығушылық танытты.
Сонымен қатар, қоршаған ортаның ластануына қарсы күресу және климаттың өзгеруіне бейімделуге бағытталған әлеуетті біріккен жобаларға назар аударылды. Бұл бағыттағы өзара ынтымақтастық тек ортақ экологиялық проблемаларды шешуге ғана емес, елдер арасындағы достық қарым-қатынасты нығайтуға да ықпал ететіні атап өтілді, деп хабарлайды Экология, қоршаған ортаны қорғау және климаттың өзгеруі министрлігінің баспасөз қызметі.
