Жиналыс қорытындысы бойынша облыстың су-энергетикалық теңгерімін реттейтін бірқатар хаттамаларға қол қойылды, деп хабарлады oz.inform.kz сайты.
Өзбекстан Энергетика министрлігінің хабарлауынша, кездесуде күз-қыс маусымында үш елдің су-энергетикалық жүйелерінің тұрақты жұмыс істеуін қамтамасыз ету және осы саладағы ынтымақтастық байланысты одан әрі тереңдету сынды мәселелер талқыланды.
Кездесу соңында тараптар арасында тұрақты жұмысшы топтың жиналыстарын өткізуге келісіліп, тиісті хаттамаларға қол қойылды.
oz.inform.kz хабарлауынша, Өзбекстан Қазақстанға 2026 жылдың март, декабрь айларында шамамен 900 миллион кВт/сағатына электр энергия жеткізу бойынша хаттамаға қол қойылды. Бұл келісім республиканың оңтүстік өңіріндегі электр станцияларды жоспарлы жөндеу кезінде туындауы мүмкін болған энергия тапшылығының алдын алуға бағытталған.
"Қол қойылған хаттамалар —көрсеткіштерді, мерзімдерді және бағаларды қамтитын арнайы жұмыс құжаты саналады. Жеткізудің техникалық шарттарын нақтылап, тиісті мәселелерді шештік. Қазақстан өз міндеттемелерін толығымен орындайды және әріптестерінен де соны күтеді. Бұл өңірдің энергетикалық және су қауіпсіздігін қамтамасыз етудің маңызды механизмі", - деді Қазақстан энергетика министрі Ерлан Ақкенженов.
Жасалған келісімдер алдағы күзгі-қысқы маусымда қауіптерді азайтуға мүмкіндік береді. Сондай-ақ олар келесі вегетациялық кезеңі үшін болжамды су қорын жинақтауға қолайлы жағдай жасайды. Бұл еліміздің оңтүстік облыстарының ауыл шаруашылығы үшін өте маңызды фактор.
