Атап айтқанда, өзара тауар айырбастау көлемінің өсу қарқынының оң динамикасына қатысты пікір алмасылды. Тараптар өзара тауар айырбастау ауқымы мен көлемін кеңейту, жеңілдетілген сауда келісімін ратификациялау үдерісін жеделдету арқылы кешенді іс-шараларды қарастыруға, сауда саласындағы кедергілерді жою, сауда операцияларын жүзеге асыруда кеден тәртіп-қағидаларын оңтайландыру және бұл салада цифрлық шешімдерді енгізуге дайын екенін білдірді.
Атап өткендей, 2022 жылы Самарқант қаласында өтеді деп күтілген Түркі мемлекеттері ұйымының саммиті мен жақын айларда Өзбекстанда өткізілуі жоспарланған Біріккен кеден кеңесінің 3-жиналысы аясында өзара сауданы дамыту бойынша бірқатар қосымша, екіжақты және көпжақты іс-шаралар келісілуі мүмкін.
Екі ел арасындағы көлік инфрақұрылымын дамыту, бағыттарды әртараптандыру, тікелей және транзиттік жүктерді тасымалдау көлемін ұлғайту бойынша шараларды жүзеге асыру болашақтары қарастырылды. Тараптар көлік-логистика саласындағы оң динамикасын сақтап қалу және күшейту мақсатында ынтымақтастықты жандандыруға келісті, деп хабарлайды Инвестициялар және сыртқы сауда министрлігінің баспасөз қызметі.