Жалпы құны 705 миллион долларға тең бұл жобалардың барлығын Түркияның «Aksa Enerji», «Odaş Enerji CA» және «Cengiz Enerji» компаниялары жүзеге асырған. Соның ішінде:

Біріншісі – Бұхара облысының Бұхара ауданындағы қуаты 270 МВт болған газ-поршеньді жылу электр станциясы;

Екіншісі – Ташкент облысының Қыбырай ауданындағы қуаты 240 МВт болатын бу-газ қондырғысы;

Үшіншісі, Хорезм облысының Янгиарик ауданында қуаттылығы 174 МВт болатын жаңа жылу электр станциясы;

Төртіншісі, Ташкент облысының Қыбырай ауданындағы қуаттылығы 230 МВт газ-поршеньді жылу электр станциясы;

Бесіншісі, Ташкент облысының Қыбырай ауданында қуаттылығы 240 МВт болған заманалық жылу электр станциясы іске қосылды.

Осы 5 электр станциясы жылына 9 миллиард 400 миллион киловатт-сағатына электр энергиясын өндіреді. Құрылғылардың энергияны үнемдеуі жылына 1 миллиард 275 миллион текше метр табиғи газды үнемдеуге мүмкіндік береді. Үнемделген көгілдір отын есебіне қосымша 6 миллиард 144 миллион киловатт-сағатына электр энергиясын өндіріледі.

Станцияларды құру кезінде 2860 жұмыс орны ашылды, оларды пайдалануға беру нәтижесінде тағы 420 жаңа жұмыс орны жаратылды.

Анықтама үшін: Апрель айында Самарқант облысының Нұрабад ауданында қуаты 100 МВт болатын ірі күн фотоэлектр станциясы (6-электр станциясы) пайдалануға беріледі, деп хабарлайды Энергетика министрлігінің баспасөз қызметі.