Ол бұл мәлімдемені Женевада өткен үшжақты келіссөздердің алғашқы күнінен кейін X әлеуметтік желісінде жариялады.
Уиткофф АҚШ-тың Украина және Ресеймен келіссөздердің үшінші кезеңін «модерациялағанын» айтқан.
«Біз бүгінгі кездесулер барысында Швейцария Конфедерациясына көрсеткен жылы қонақжайлығы үшін алғысымызды білдіреміз.
Президент Дональд Трамптың осы соғыстың екі тарапын бір-біріне жақындатудағы табысы елеулі нәтижелерге алып келді және біз оның басшылығымен бұл қорқынышты қақтығыста адам өлтіруге нүкте қою үшін жұмыс істеп жатқанымызды мақтан тұтамыз. Екі тарап та өз басшыларына есеп беруге және келісімге қол жеткізу үшін жұмысты жалғастыруға келісті», — деп жазды Уиткофф.
Женева қаласында АҚШ, Украина және Ресей арасында келіссөздердің кезектегі кезеңі өтті. Кейінірек, Axios порталы дереккөздерге сүйеніп, Швейцариядағы келіссөздер Ресей делегациясының басшысы, Ресей Президентінің көмекшісі Владимир Мединскийдің ұстанымына байланысты тоқтап қалғанын хабарлады, деп жазады report.az.
