Қаланың көптеген ауданында көшелер, жерасты өткелдері мен туннельдерді су басып, жолдарда автокөліктер қалып қойды. Кейбір аудандарда көшкіндер болып, ағаштар құлады.
Сарыер ауданының Аязаға шағынауданы су тасқынынан ең көп зардап шекті. Ондағы тұрғын үйлер мен кеңселерден адамдары эвакуацияланды.
Қатты жаңбыр қоғамдық көлік қозғалысына да елеулі қиындықтар туғызды. Кешкі қарбалас уақытта жолдардағы кептеліс деңгейі 89 пайызға жетті, деп хабарлады vesti.az.
Стамбұлда жалпы 1277 су басу оқиғасы тіркелді. Табиғи апаттар мен төтенше жағдайларды басқару басқармасына (AFAD) және 112 жедел қызметіне 2518 қоңырау түсті.
Жаңбырға байланысты ертең Стамбұл мектептерінде сабақтар тоқтатылды. Стамбұл губернаторы Давут Гюль тұрғындарға аса қажеттілік болмаса, үйлерінен шықпауға кеңес берді.
Сонымен қатар, сағат 21:00-ден бастап мотоциклдердің қозғалысына тыйым салынды.
Түркияда тұратын өзбекстандықтарға да қолайсыз ауа райына байланысты ескерту жасалды. Стамбұл, Ялова және Коджаели обыстарында қатты жаңбыр мен жел салдарынан су тасқыны қаупі туындауы мүмкін. Өзбекстан азаматтарынан сақтық шараларын сақтап, қауіпсіздік талаптарын орындау сұралды.
