А320 әуе кемесі Ресей әуе кеңістігінде болған кезде, “Uzbekistan Airways” АҚ, сондай-ақ Ресей және Беларусь әуе қызметінің қызметкерлері e-mail мекенжайларына анонимді мекенжайлардан әуе кемесінде бомба қойылғаны туралы ақпарат берілген.
Әуе кемесінің жолаушылары мен экипаж мүшелерінің қауіпсіздігін қамтамасыз ету мақсатында A320 ұшағының командирі ұшақты тексеру үшін жақын жердегі “Домодедово” халықаралық әуежайына қонуға шешім қабылдады, деп хабарлайды “Uzbekistan Airways” АҚ ақпарат қызметі.
Бұл ретте лайнер, жолаушылар, олардың жүктері, багаждары мен пошталары белгіленген тәртіппен тексерілді. Әуе кемесінің миналанғаны туралы ақпарат расталмады.
