Кешкі шараға 200-ден астам гуманоид робот қатысып, күрделі хореографиялық бағдарламада өнер көрсетті. Бағдарламада синхронды билер мен жекпе-жек өнерінің элементтері ғана емес, сондай-ақ комедиялық көріністер мен иллюзиялық нөмірлер де болды.
Концерттің сәтті өтуі антропоморфты технологияларды қолдану ауқымының кеңейіп келе жатқанын көрсетеді. Бұған дейін әзірлеушілердің негізгі назары өнеркәсіп секторы мен өндірістік үдерістерді автоматтандыруға бағытталған болса, енді сала бұқаралық ойын-сауық және мәдени жобалар бағыты бойынша да дамуға дайын екенін байқатты.
Шанхай қаласындағы AgiBot компаниясы ірі театрлардан, концерт залдарынан және ғылым мен технология музейлерінен ынтымақтастық жөнінде ұсыныстар алғанын мәлімдеді. Олар кешкі бағдарламаны тұрақты түрде көрсету үшін толық құқықтарды сатып алуға дайын екендіктерін білдірді, деп хабарлады oz.inform.kz.
