Өзбекстанда ауыл шаруашылығы өнімдерінің экспортының әлеуеті жоғары. Бұл орайда өнімді жинау, сақтау, өңдеу және өткізудің барлық кезеңдерін қамтитын агрологиялық орталықтардың маңызы зор.
Өткен жылдың желтоқсан айында пайдалануға берілген «BMB Holding» серіктестігінің кешені солардың бірі. Бұл жобаның жалпы құны 57 миллион доллардан асады. Кешен жылына 10 мың тонна ауыл шаруашылығы өнімдерін сақтауға және 8 мың тоннаны бастапқы өңдеуге қабілетті. 180 адам тұрақты жұмыспен қамтылған.
Мемлекет басшысы кәсіпорындағы жұмыс барысын және экспортқа дайын өнімдерді аралап көрді.
Жеміс-көкөніс өнімдері логистикалық орталыққа Жызақ облысы мен көршілес облыстардан әкелінеді. Өткен жылы «BMB Holding» жүйесіндегі агрокластер келісім-шарт бойынша 1200-ден астам фермерден 52 мың тоннадан астам 16 түрлі дақыл жинады.
Биылғы жылы «Сайхұнабад» тәжірибесіне сүйене отырып, ынтымақтастық негізінде 2 мың 485 тұрғын үй қожалығымен келісімшарт жасалады. Сондай-ақ, 4 мыңға жуық шаруа қожалығы 14500 гектар жерге ауыл шаруашылығы өнімдерін өсіреді. Нәтижесінде кластерлік негізде 32 мыңнан астам қосымша маусымдық жұмыс орындары ашылады.
Кешенде фитосанитарлық және санитарлық-эпидемиологиялық сараптама зертханасы, кеден және банк бөлімшелері, жатақхана құрылған. Зертхана Ресей, Қытай, АҚШ, Германия елдерінен әкелінген 34 заманауи құрал-жабдықтармен жабдықталған.
Карантин қызметкерлері осы жерді өзінде өнімдерді тексереді. Маңыздысы, олар берген фитосанитарлық сертификатты 119 мемлекет мойындаған.
Мұндай мүмкіндіктердің болуы кәсіпорынның экспорттық әлеуетін және географиясын арттырады. Бүгінгі таңда Қазақстан, Пәкістан, Ресей Федерациясы және Қытайға 43 миллион долларға жуық өнім жөнелтілді. Биылғы жылдың соңына дейін экспорт көлемін 58 миллион долларға жеткізу жоспарланған.
Президент мұндай агрологистикалық орталықтарды өзге өңірлерде де көптеп ашып, оларға белгілі бір егіс алқаптары мен махаллаларды қосу қажеттігін айтты. Ол кәсіпкерге барабар өнім мен халыққа кепілді сатып алу мүмкіндігін береді.
Айта кетейік, 2017 жылы негізі қаланған серіктестікте бүгінде 4 бірлескен кәсіпорын және 26 еншілес ұйым бар. Экономиканың түрлі салаларында құны 1 миллиард 500 миллион долларға жуық инвестициялық жобалар жүзеге асырылуда.
Атап айтқанда, Өзбекстан мен Италия арасындағы «BMB Opera Zafferano» бірлескен кәсіпорны 400 гектар шафран плантациясын құрды. Өсірілген өнімдер USDA ORGANIC сертификатына ие және Италия, Австрия, Голландия, Франция, Оңтүстік Корея және Сауд Арабиясы сияқты елдерге экспортталады. Оған АҚШ нарығына шығуға FDA рұқсаты да берілді.
Алдағы үш жылда бұл жобаның құны 80 миллион еуроға, шафран өсіру көлемі 1,8 тоннадан 20 тоннаға дейін ұлғайтылады. Мемлекет басшысы бұл жоспарларды мақұлдап, шафран алқаптары мен экспортқа шығаруды ұлғайту жөнінде тапсырмалар берді.
