Атап өтілгендей, қолданыстағы заң 1993 жылы қабылданған және бүгінгі күннің талаптарына және стандарттау саласындағы халықаралық құжаттарға мазмұны дұрыс келмейді.
Заң 31 баптан тұрады, оның мақсаты стандарттау саласындағы қатынастарды реттеу болып табылады.
Заңда мемлекеттік стандарт түсінігі міндетті түрде орындау мағынасын білдіретіндіктен, шетелдік тәжірибе негізінде «ұлттық стандарт» ұғымына өзгертілуде. Өйткені ұлттық стандарттар ерікті түрде қолданылатыны белгіленуде.
Дүниежүзілік Сауда ұйымының, Стандарттандыру бойынша халықаралық ұйымының және басқа да ұйымдардың талаптарына сәйкес, өндірушілер тұтыну базарына немесе шетел базарларына кіріп баруын және бәсекеге қабілеттілігін арттыру үшін стандарттар ерікті түрде қолданылады.
Заңның қабылдануымен 18 мыңнан астам стандарт міндетті түрден ықтиялылыққа өтеді. Сонымен бірге халықаралық, аймақтық және шетелдік стандарттарды Өзбекстан Республикасында қолдану тәртібі енгізілуде. Бұл ретте олар Ұлттық органның қаулысымен ұлттық стандарт ретінде өзгертусіз қабылдау арқылы қолданылады.
Сондай-ақ стандарттау саласында белгілі бір мерзімге қабылданған «бастапқы стандартты» (DS – Dastlabki Standart) қолдану тәртібі енгізілуде.
Түрлі кеңселер кестесінде стандарттау бойынша жұмыстарды жеке-жеке жүргізу тәжірибесі жойылып, стандарттарды сараптамадан өткізу, бекіту, тіркеу және жаңарту туралы қаулы қабылдау өкілеттігі стандарттау бойынша Ұлттық орган — Өзбекстан техникалық реттеу агенттігі құзырындағы Өзбекстан Стандарттау институтына берілуде.
Сонымен қатар, стандарттау қызметін ұйымдастыру тәртібі нақты белгіленуде. Атап айтқанда, стандарттау жұмыстарын жоспарлау, стандарттардың ақпараттық базасын құру және жүргізу, стандарттарды қолдану, жариялау және тарату, Стандарттау саласындағы дауларды шешу тәртібі, яғни Апелляциялық комиссияны құру белгіленуде.
Заңның қабылдануы кәсіпкерлік субъектілеріне өз өнімдері мен тауарларын дамытуды, заманауи және шетелдік стандарттар негізінде қызмет көрсетуді жеңілдетеді. Ол халыққа сапалы өнім мен қызмет көрсетуге қызмет етеді.
Заңды сенаторлар мақұлдады.
Өзбекстан Республикасы Олий Мажлисі Сенатының Ақпарат қызметі.
