Қайд этилишича, Жорий йил 1–юн кунги Товар-хомашё биржа савдоларига қўйилган бир тонна шакарнинг нархи 12 500,1 минг сўмни ташкил этган бўлса, 10 июнь кунги биржа савдоларида шакарнинг нархи 14 554,5 минг сўмга етди ва ой бошига нисбатан 16,4 % (2 054,4 минг сўм)га ошган. Ушбу давр мобайнида шакарнинг ўртача нархи бир тонна маҳсулот учун 13 108,4 минг сўмдан иборат бўлган.
1-10 июнь кунги биржа савдоларига жами 19 646,0 тонна шакар қўйилган бўлиб, бир кунлик савдоларга ўртача 2 455,8 тоннадан тўғри келди. Жумладан, ой бошида 3 000 тонна шакар биржа савдоларида сотилган бўлса, 10 июнь кунги савдоларда 2 002 тонна ёки 33,3 % (998 тонна) кам шакар реализация қилиган.
2022 йил 1-10 июнь кунлари Ўзбекистон Республикаси Товар-хомашё биржаларида сотилган шакарнинг
минимал ва максимал нархлари ҳамда ҳажмлари таҳлили
2022 йил июнь ойининг дастлабки ўн кунлигида Республика Товар-хомашё биржаларида сотилган шакарнинг минимал баҳоси бир тонна маҳсулот учун 11 984,7 минг сўмни, максимал нархи 14 554,5 минг сўмни ташкил этди ва ўртача нарх эса 13 108,4 минг сўмдан тўғри келди.
Шунингдек, биржа савдоларида таклиф этилган шакарнинг энг кам ҳажми 7-8 июнь кунлари ( 2000 тоннадан) кузатилган. Энг кўп ҳажми (3072 тонна) эса 3 июнь кунги савдоларга тўғри келган. Ушбу давр оралиғида бир кунлик савдоларда ўртача 2 456 тоннадан шакар сотилган.
