Ушбу ҳафталик дастурларда Президент, ижод ва ихтисослаштирилган мактаблардан ташқари халқ таълими тизимидаги мактаблар ўқитувчилари ҳам иштирок этиб, хорижий ва маҳаллий мутахассислардан сабоқ олмоқда.
Тренинглар давомида иштирокчилар ўқитувчилик фаолиятидан фарқли равишта ёши катта аудитория билан ишлаш кўникмаси, фасилитаторлик маҳорати, кичик гуруҳларда дарс ўтиш маҳорати, федбек бериш, ўқитувчилик ва тренерлик тамойиллари, ижобий муҳит яратиш кўникмалари бўйича дарс олдилар. Улар 1 ҳафталик амалий машғулотлардан ўтиб, маҳоратларини оширишгач, ўз мактабига бориб, ўқитувчиларга тренинг ўтиши кўзда тутилган.
Маълумот ўрнида, мазкур ҳафталикнинг ўзига хос жиҳати шундан иборатки, аввал бу каби тренинглар фақат инглиз тили ўқитувчилари учун ўтказилган бўлса, бу гал барча фан ўқитувчилари учун мўлжалланган. Тренинг машғулотлари 7-12-февраль кунлари бўлиб ўтади.
