Бу ҳақда Ихтисослаштирилган таълим муассасалари агентлиги хабар берди.
Мазкур университет сунъий интеллектга ихтисослашган дунёдаги илк университет бўлиб, QS халқаро рейтингига кўра, СИ йўналишида дунёнинг Топ-10 университетлари қаторидан жой олган.
Отабек Комиловга тақдим этилган грант миқдори йилига 45 минг АҚШ долларини, 4 йиллик таълим даври учун эса жами 180 минг АҚШ долларини ташкил этади.
Ўқувчининг эришган ютуқлари орасида IELTS имтиҳонидан 7 балл натижа, Америка математика олимпиадаси (АМC) миллий босқичида олтин медал, Жануби-Шарқий Осиё математика олимпиадаси (SЕАМО) миллий босқичида олтин медал ҳамда V2E номли сунъий интеллект лойиҳасига асос солгани айтилган.
Мазкур ютуқ Президент мактаблари ўқувчиларининг халқаро миқёсда рақобатбардош билим ва салоҳиятга эга эканини яна бир бор тасдиқлайди.
