Бу ҳақда РИА Новости Москва планетарийсига таяниб хабар берди.
Мутахассисларнинг таъкидлашича, комета 17 февраль куни сайёрамизга энг яқин масофадан учиб ўтади. Унинг ёрқинлиги тахминан 8-9 магнитудали бўлади. Комета Жанубий ярим шарда уфқдан баландда жойлашган бўлади.
Шимолий ярим шарда кузатув шароитлари унчалик қулай бўлмайди. Вежчоса кометаси қуёш ботганидан бир соат ўтгач, жануби-ғарбий уфқдан пастда пайдо бўлади, аммо уни топиш қийин бўлади.
C/2024 E1 (Вежчоса) кометаси 2024 йил 3 мартда польшалик астроном Каспер Вежчос томонидан кашф этилган. Унинг ядросининг диаметри 2-10 километр деб тахмин қилинади. У ўта чўзинчоқ орбитага эга. Айланиш даври миллионлаб йилларни ташкил қилади. Астрономлар унинг охир-оқибат Қуёш тизимидан чиқиб кетишига ишонишади.
Комета 2026 йил 20 январда Қуёшга энг яқин нуқтадан ўтиб, юлдуздан 85 миллион километр масофада жойлашган эди. 17 февралда у Ердан 1,0 а.б (астрономик бирлик) масофада учиб ўтади, деб хабар берди mir24.tv.
