Украина спорт нашрлари тарқатган хабарга кўра, клуб президенти Игор Суркис томонидан тайинланган Мирча Луческнинг фаолиятига Динамо(Киев) ишқибозлари норозилик билдириб чиқишди. Клуб базасида ўтказилган намойишда футбол фанатлари Суркисдан руминиялик мураббийни ишдан бўшатишни талаб қилиб намойиш ўтказишди.
Ўз навбатида руминиялик мураббий жамоани тарк этишига иқтисодий омиллар таъсир этмаганлигини, аксинча Украинада ишлашга иштиёқи баланд бўлганлигини, бироқ, фанатлар босими остида ишлай олмаслигини таъкидлади.
Бироқ Динамо раҳбари Суркис журналистларга берган интервьюсида “Мирча ҳеч жойга кетмаслигини, клуб 3-4 та жанжалкашнинг «хархашасига» қараб қолмаганлигини” билдирди.
Эслатиб ўтамиз, руминиялик мутахассис 2004-2016 йилларда Динамонинг азалий рақиби бўлган Донескнинг «Шахтёр» жамоасида бош мураббий бўлиб ишлаган.
Ҳозирча ушбу воқеликнинг якуний натижаси қай кўринишда бўлиши номаълум. Ишқибозлар муносабат билдирди, Мирча ўз сўзини айтди. Суркис қатъият кўрсатди. Тарозининг палласи қай тарафга оғишини эса вақт кўрсатади.
Тўлқин РЎЗИЕВ.
