У сиёсатга алоқадор оилада, Балтимор шаҳрида улғайган. Ненсининг дадаси майор эди. Мактабни тамомлаган бўлажак сиёсатчи Вашингтонга яқин ҳудуддаги коллежда ўқийди ва молиячи Пауль Пелоси билан турмуш қуради.
Спикернинг сиёсий карьераси 1976 йилдан бошланади. 1988 йилда эса Конгресс аъзоси бўлади. Конгрессдаги фаолияти давомида Пелоси 2003 йилда АҚШнинг Ироққа қарши урушининг асосий оппонентларидан бири бўлди. Бу ўзини оқлайди ва 2006 йилда демократларнинг 12 йиллик тарихида биринчи марта Конгрессда бошқарувни эгаллашига ёрдам беради. Ненси Пелоси эса спикерликка муносиб кўрилган АҚШ тарихидаги биринчи аёл бўлади.
Пелоси палатаси 2008 йилги инқироздан сўнг $ 840 миллиард долларлик стимул пакетини қабул қилади. 2018 йилда спикерликка қайта сайланган Ненсига Доналд Трамп билан ишлаш осон бўлмаган. У ўзи билан қўл бериб кўришмагани учун Трампнинг нутқини намойишкорона йиртиб ташлаганди.
Бу йил спикерлик курсисини қайта эгаллаш Пелоси учун ҳар қачонгидан ҳам муҳим бўлиши мумкин.
«Биз янги Конгрессни ноодатий қийинчиликлар даврида қайта тузяпмиз. Ҳозир миллат дардига даво топиш вақти. Бизнинг асосий вазифамиз эса коронавирусни енгиш ва биз буни албатта уддалаймиз», – деди Ненси Пелоси лавозимга киришиш нутқида, деб хабар беради NBC News.
